© Dandaa.mn. 2011-2024
3-р сарын 29, Баасан
Улаанбаатар °C
Дэлхийд

Энэтхэгчүүд Ялалтын баярт оролцоно

Covid-19-ийн халдварын тархалтаас үүдсэн онцгой нөхцөлийн улмаас тавдугаар сарын 9-нд тэмдэглэхээр зэхэж байсан Ялалтын 75 жилийн ойн парадыг ОХУ хойшлуулан энэ зургадугаар сарын 24-нд тэмдэглэх гэж байна.

"Ялалтын ойд оролцох урилгыг дэлхийн улс орнуудад өмнө нь илгээсэн байсан. Зарим улс орон Ялалтын ойд оролцохоо илэрхийлсэн. Тухайлбал, Энэтхэгийн цэргийн төлөөлөл Улаан талбайд болох Ялалтын парадад оролцоно" хэмээн Энэтхэгт суугаа ОХУ-ын Элчин сайд Николай Кудашев хэллээ.

"Энэтхэгийн цэргүүд Улаан талбайд хөл тавихыг харахыг тэсч ядан хүлээж байна. Яг одоо парадын бэлтгэл ажлын талаар хоёр тал зөвшилцөж байна. Энэтхэгийн цэргийн баг алхаж өнгөрөх үеэр дэлхийн хоёрдугаар дайны ялалтад энэтхэгчүүдийн оруулсан хувь нэмрийг зарлах юм. 1944 онд Энэтхэгийн цэргүүдийг Улаан тугийн одонгоор шагнаж байсныг хүмүүс төдийлөн мэдэхгүй байх” хэмээн Элчин сайд Николай Кудашев РИА Новости агентлагийн сэтгүүлчид ярьжээ.

Ялалтын парадад оролцох гадаад орны цэргийн бүрэлдэхүүн бүгд Орост ирсэний дараа коронавирусийн шинжилгээнд хамрагдана хэмээн Батлан хамгаалах яамны Эрүүл мэндийн газрын дарга Дмитрий Тришкин өмнө нь мэдэгдэв.

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд Dandaa.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)
Шинэ мэдээ
Их уншсан
Уншиж байна ..