Монгол Улсын Ерөнхий сайд С.Батболдод хамтарсан Засгийн газарт ажиллаж байсан АН-ын гишүүн сайд нар албан тушаалаасаа чөлөөлөгдөх хүсэл­тээ өчигдөр өглөө.
Тус бичгийг Монгол улсын Тэргүүн шадар сайд Н.Алтанхуяг өөрийн биеэр гардуулан өгсөн байна.

Бензин шатахууны үнэ улс орон даяар нэмэгдсэн ч Орхон аймгийн “Сод Монгол”, “Петровис” компанийн шатахуун түгээх станц дээр үнэ нь хуучнаараа байна. Иргэд юмны үнэ үндэслэлгүйгээр нэмэгдсэн гэх яриа байв ч үнэ хэвийн хэмжээнд байна.

Үнэт цаасны арилжаанд оролцох эрх олгох ээлжит шалгалт энэ оны 01-р сарын 30-ны өдрийн 15.00 цагт Монголын хөрөнгийн биржийн байранд болно.
Шалгалтын асуултууд нь “Компанийн тухай хууль”-ийн шинэчилсэн найруулга, “Үнэт цаасны зах зээлийн тухай хууль” болон МХБ-ийн холбогдох дүрэм, журмуудыг хамарна.

Улсын ерөнхий прокурорын дэргэдэх мөрдөн байцаах алба нийгмийн үйлчилгээний зориу­лалт­тай "122" тусгай дугаарыг шинээр ашиглалтад оруулж, хуу­лийн  байгууллагын ажилтан албан хааг­чид­тай холбоотой гэмт хэр­гийн шинжтэй гомдол мэдээлэл, эрүү­гийн хэргийн дуудлага шуур­хай хүлээн эхэлжээ.

Өмнөговь аймгийн дулааны цахилгаан станц энэ сарын 10-ны 22:30 цагаас эхлэн 00 зогсолт хийжээ. Шалтгаан нь зуухны дотор хананы бетон ховхорч, шаталтын тавцанг даржээ. Монголд сэлбэг байхгүй учир ойрын хугацаанд засах бо­ломж­гүй гэнэ.